துபாயில் மொபைல் படக்கண்காட்சி, போட்டி

துபாய்: துபாயில் முர்டோச் ப‌ல்க‌லைக்க‌ழ‌க‌ம் மொபைல் போன் மூலம் எடுக்கப்படும் சிறந்த படங்களுக்கான போட்டி மற்றும் கண்காட்சியை நடத்த இருக்கிறது.

இதில் பங்கேற்க விரும்புபவர்கள் மொபைலில் படம் எடுத்து அந்த படங்களை discoverers@murdochdubai.ac.ae எனும் மின்ன‌ஞ்ச‌ல் முக‌வரிக்கு மே 7ம் தேதிக்குள் அனுப்ப‌ வேண்டும். புகைப்ப‌ட‌ங்க‌ள் பெய‌ர், மொபைல் போன் எண், வ‌ய‌து ஆகிய‌ த‌க‌வ‌ல்க‌ளுட‌ன் அனுப்புங்கள்.

மொபைல்போன் பராமரிப்புக்கு சில எளிய வழிமுறைகள்

குறைந்த விலை மொபைல்போன், காஸ்ட்லியான மொபைல்போன் எதுவாயினும், அதை பராமரிக்கும் முறைகளிலேயே அதன் ஆயுட்காலம் இருக்கிறது. சரியான பராமரிப்பு இல்லாத மொபைல்போன்கள் அதன் மதிப்பை வெகுசீக்கிரத்திலேயே இழந்துவிடும். சில எளிய முறைகளை கையாண்டால், உங்கள் மொபைல்போனின் மெருகு குலையாமல் நீண்ட காலம் பயன்படுத்த முடியும். உங்களுக்காக சில எளிய வழிமுறைகள்...

டச்ஸ்க்ரீனும் இரண்டு சிம்கார்டு வசதி கொண்ட இந்தியவின் முதல் மொபைல்

மொபைல்போன் மார்க்கெட்டில் புதிய நிறுவனங்களின் வரவு அதிகரித்து வருகிறது. குறிப்பாக, உள்நாட்டு நிறுவனங்கள் அதிக அளவில் மொபைல்போன் தயாரிப்பில் இறங்கி வருவது ஆரோக்கியமான சூழ்நிலை ஏற்படுத்தியுள்ளது.

இதனால், வாடிக்கையாளர்கள் அதிக வசதிகள் மற்றும் தரமான போன்களை குறைந்த விலையில் வாங்குவதற்கு வழிவகுக்கப்பட்டுள்ளது. மேலும், மார்க்கெட் போட்டி காரணமாக கவர்ச்சிகரமான அம்சங்கள் கொண்ட புதிய தொழில்நுட்பத்துடன் மொபைல்போன்கள் அறிமுகமாகி வருகின்றன.

இந்த நிலையில்,மொபைல்போன் தயாரிப்பில் சமீபத்தில் கால் பதித்த மும்பையை சேர்ந்த எக்ஸ்ஏஜ் மொபைல்ஸ் நிறுவனம், டியூவல் சிம் பொருத்தும் வசதி கொண்ட முதல் டச் ஸ்கிரீன் போனை அறிமுகப்படுத்தியுள்ளது.

வட இந்தியாவில் வலுவாக கால் ஊன்றிவிட்ட இந்த நிறுவனம் தற்போது இந்த போனுடன் தென்னிந்திய மார்க்கெட்டிலும் கிளைபரப்புகிறது.

எக்ஸ்ஏஜ் எம்டி-711 என்ற குறியீட்டு பெயரில் வந்துள்ள இந்த போன் 3.2 இஞ்ச் டச் ஸ்கிரீன் கொண்டது. இந்த போனை பார்த்தவுடன் நோக்கியா 5800 எக்ஸ்பிரஸ் மியூசிக் போன் மாடலோ என்று நினைக்க தூண்டுகிறது.

அதிக தரத்தில் புகைப்படங்களை எடுக்கும் திறன் கொண்ட 3.2 மெகாபிக்செல் கேமராவுடன் வந்துள்ளது. வீடியோ ரெக்கார்டிங் வசதியையும் கொடுக்கிறது.

புரோப்பரீட்டரி ஆப்பரேட்டிங் சிஸ்டத்தை கொண்டுள்ள இந்த போன் அப்ளிகேஷன்களை இயக்குவதற்கு எளிதான, இனிமையான அனுபவத்தை கொடுக்கிறது.

அனைத்து பார்மெட்டுகளை கொண்ட ஆடியோ, வீடியோ பைல்களை இதில் இயக்கலாம். எப்எம் ரேடியோ, 3.5 மிமீ விட்டம் கொண்ட ஆடியோ ஜாக் உள்ளிட்ட வசதிகள் இதற்கு சிறப்பு சேர்க்கிறது.

புளூடூத், ஜிபிஆர்எஸ், வாப் இணைப்புகளில் இன்டர்நெட் போன்ற தகவல்பரிமாற்ற இணைப்பு வசதிகளும் இருக்கிறது. 5 மணிநேர டாக்டைம் கொண்ட பேட்டரியும் பொருத்தப்பட்டுள்ளது.

எக்ஸ்ஏஜ் எம்டி-711 சிறப்பம்சங்கள்:

தொடுதிரை

டியூவல் சிம் கார்டு வசதி

3.2 மெகாபிக்செல் கேமரா

ஜாவா

வீடியோ கேம்ஸ்

புளூடூத்

சேமிப்பு திறனை 8ஜிபி வரை கூட்டும் வசதி

அழைப்புகளை ரெக்கார்டிங் செய்யும் வசதி

குறிப்பிடத்தக்க அம்சங்களை கொண்டுள்ள இந்த போனுக்கு ரூ.5,799 விலையாக நிர்ணயிக்கப்பட்டுள்ளது.

இந்திய கிரிக்கெட் அணியின் கேப்டன் டோனி ஆட்டோகிராப் போட்ட மொபைலின் விலை 2,222 மட்டுமே.டோனி ரசிகர்களுக்கு அட்டகாசமான வாய்ப்பு மாக்ஸ் மொபைல் வெளியிட்டது

 இந்திய கிரிக்கெட் அணி கேப்டன் டோணியின் ஆட்டோகிராபுடன் புதிய டியூவல் சிம் கார்டு மொபைல்போனை மேக்ஸ் மொபைல்ஸ் அறிமுகம் செய்துள்ளது.

மேக்ஸ் மொபைல்ஸ் நிறுவனத்தின் விளம்பர தூதராக இந்திய கிரிக்கெட் அணியின் கேப்டன் எம்.எஸ்.டோணி செயல்பட்டு வருகிறார். அந்த நிறுவனத்தின் மொபைல்போன்களை பிரபலப்படுத்துவதில் டோணி முக்கிய பங்கு வகிக்கிறார்.

இந்த நிலையி, டோணியின் இன்ஷியலை கொண்ட குறியீட்டு பெயரில் புதிய போனை மேக்ஸ் அறிமுகம் செய்துள்ளது. டோணியின் இனிஷியலையும், அவர் கிரிக்கெட் விளையாடும்போது அணியும் டீஷர்ட்டில் உள்ள 7ம் எண்ணையும் சேர்த்து எம்எஸ்டி-7 என்ற குறியீட்டு பெயருடன் இந்த போன் வந்துள்ளது.

2.2 இஞ்ச் திரை கொண்டதாக வடிவமைக்கப்பட்டுள்ள இந்த போனின் பின்புறத்தில் டோணியின் ஆட்டோகிராப் பொறிக்கப்பட்டுள்ளது. மேலும், 1.3 கேமரா பொருத்தப்பட்டுள்ள இந்த போனில் ப்ளாஷ், ஜும் உள்ளிட்ட கூடுதல் அம்சங்கள் எதுவும் இந்த கேமராவில் இல்லை.

3ஜி நெட்வொர்க்கில் இயங்கும் இந்த போன் 2ஜி நெட்வொர்க்கில் இயங்காது. ரெக்கார்டி வசதியுடன் கூடிய எப்எம் ரேடியோ மற்றும் டார்ச் லைட் வசதி உள்ளது.

ஜிபிஆர்எஸ், வாப் தொழில்நுட்ப இணைப்பு வசதிகளை கொண்டுள்ள இந்த போனில் பேஸ்புக் உள்ளிட்ட சமூக வலைதளங்களுக்குள் எளிதாக செல்ல முடியும். ஆனால், எட்ஜ் இணைப்பு வசதி கிடையாது.

128எம்பி சேமிப்பு திறனுடன் வந்துள்ள இந்த போனின் சேமிப்பு திறனை 32 ஜிபி வரை கூட்டிக்கொள்ளலாம்.

எம்பி-3, ஏஏசி, டபிள்யூஏவி, ஏஎம்ஆர் பார்மெட்டுகளில் ஆடியோ பைல்களையும், எப்எல்வி, 3ஜிபிபி, ஏவிஐ, எம்பி-4 பார்மெட்டுகளில் வீடியோ பைல்களை இயக்குகிறது.

தொல்லைதரும் எஸ்எம்எஸ் மற்றும் அழைப்புகளை பிளாக் லிஸ்ட் மூலம் தவிர்க்க முடிகிறது. யமஹா ஆம்பிளிபயர் கொண்ட ஆடியோ துல்லியமான ஒலியை வழங்குகிறது.

300 மணிநேர ஸ்டான்ட்-பை மோடு மற்றும் 4 மணிநேர டாக்டைம் கொண்ட 1,000 எம்ஏஎச் எல்ஐ-அயான் பேட்டரி பொருத்தப்பட்டுள்ளது.

கறுப்பு, கறுப்பு+மஞ்சள், கறுப்பு+பச்சை மற்றும் கறுப்பு + ஆரஞ்ச் ஆகிய இரட்டை வண்ணங்களில் இந்த போனை தேர்வு செய்துகொள்ளலாம். 

இது ரூ.2,222 விலையில் மார்க்கெட்டில் விற்பனைக்கு வந்துள்ளது. கிரிக்கெட் ரசிகர்களை சுண்டிஇழுக்கும் வகையில் குறைந்த விலையில், இந்த போனை மேக்ஸ் அறிமுகம் செய்துள்ளது.

புதிய விண்டோஸ் மேங்கோவுடன் ஸ்லிம் போன்: தோஸிபா

ஆன்ட்ராய்டு போன் மார்க்கெட்டை உடைக்க மைக்ரோசாப்ட் மற்றும் ஆப்பிள் போன்ற நிறுவனங்கள் படாதபாடுபட்டு வருகின்றன. ஆன்ட்ராய்டு ஓஎஸ்க்கு கடும் சவாலை கொடுக்கும் வகையில் புதிய ஓஎஸ் ஒன்றை அறிமுகப்படுத்துவதில் இரு நிறுவனங்களும் கங்கணம் கட்டிக்கொண்டு வேலை பார்த்து வருகின்றன.

இந்த நிலையில், ஒருவழியாக ஆன்ட்ராய்டுக்கு கடும் போட்டியை ஏற்படு்த்தும் வகையில் புதிய ஆப்பரேட்டிங் சிஸ்டத்தை உலகின் மிகப்பெரிய சாப்ட்வேர் நிறுவனமான மைக்ரோசாப்ட் உருவாக்கியுள்ளது. விண்டோஸ் போன் 7(மேங்கோ) என்ற பெயரில் இந்த போன் வர இருக்கிறது.

நோக்கியா, சாம்சங், எச்டிசி, மோட்டோரோலா ஆகிய நிறுவனங்கள் விண்டோஸ் போன் 7 ஆப்பரேட்டிங் சிஸ்டத்தில் இயங்கும் போனை வடிவமைப்பதில் மும்முரம் காட்டி வருகின்றன.

ஆனால், அதற்குள் விண்டோஸ் போன் 7 ஓஎஸ் கொண்ட போனை விரைவில் அறிமுகப்படுத்த இருப்பதாக மின்னணு சாதன தயாரிப்பில் புகழ்வாய்ந்த தோஸிபா அறிவித்துள்ளது.

தோஸிபா ஐஎஸ்-12டி என்ற குறியீட்டு பெயரில் வர இருக்கும் இந்த போன் விண்டோஸ் போன் 7 ஓஎஸ் கொண்ட முதல் போன் என்ற பெருமையை பெற இருக்கிறது.

தண்ணீர் புகாதவாறு வாட்டர் புரூப் தொழில்நுட்பத்தில் வடிவமைக்கப்பட்டுள்ள இந்த போன் வெறும் 10.6 மிமீ தடிமன் கொண்ட ஸ்லிம் போனாக வர இருக்கிறது. முதலில் ஜப்பான் மார்க்கெட்டில் அறிமுகம் செய்யப்படும் இந்த போன் விரைவில் சர்வதேச சந்தையிலும் அறிமுகப்படுத்த தோஸிபா திட்டமிட்டுள்ளது.

3.7 இஞ்ச் தொடுதிரை கொண்ட இந்த போனில் க்யூவல்காம் எம்எஸ்எம்-8655 பிராசஸர் பொருத்தப்பட்டுள்ளது. விண்டோஸ் போன் 7 ஆப்பரேட்டிங் சிஸ்டத்தை இயங்க செய்வதற்கு ஏற்ற வகையில் சேமிப்பு திறனை கொண்ட ரேம் பொருத்தப்பட்டுள்ளது. 1080பி துல்லியத்தில் வீடியோ ரெக்கார்டிங் செய்யும் ஆற்றல்வாய்ந்த 13.2 மெகாபிக்செல் கேமராவையும் கொண்டிருக்கும்.

டாப் கிளாஸ் மல்டிமீடியா அம்சங்கள் மற்றும் இணைப்பு வசதிகளுடன் மார்க்கெட்டில் நுழைய இருக்கும் இந்த போன் விண்டோஸ் போன் 7 ஆப்பரேட்டிங் சிஸ்டத்தை மைக்ரோசாப்ட் நிறுவனம் முறைப்படி அறிமுகம் செய்தவுடன் வரும் செப்டம்பர் மாதம் ஜப்பானிலும், அதைத்தொடர்ந்து சர்வதேச மார்க்கெட்டிலும் இந்த போன் அடியெடுத்து வைக்க இருக்கிறது.

இந்த உயரிய ரக ஸ்மார்ட்போன் விலை உள்ளிட்ட இதர விபரங்களை தோஸிபா வெளியிடவில்லை.

மூன்று ஜிஎஸ்எம் சிம் கார்டுகள் பொருத்தும் இந்தியாவின் முதல் போன்

இரண்டு சிம் கார்டு கொண்ட போன்களுக்கு மார்க்கெட்டில் ஏற்பட்ட அமோக வரவேற்பை தொடர்ந்து, மூன்று சிம் கார்டுகள், நான்கு சிம் கார்டுகள் பொருத்தும் வசதிகொண்ட போன்கள் அறிமுகமாக துவங்கியுள்ளன.ஆனால், அவற்றில் இரண்டு ஜிஎஸ்எம் சிம் கார்டுகளை மட்டுமே பொருத்த முடியும். மற்ற சிம் கார்டுகள் சிடிஎம்ஏ என்று கூறப்படும் இன்பில்ட் சிம் கார்டுகளாக இருக்கும்.இந்த நிலையில், மூன்று ஜிஎஸ்எம் சிம் கார்டுகள் பொருத்தும் வசதிகொண்ட இந்தியாவின் முதல் போனை ஸென் மொபைல்ஸ் அறிமுகம் செய்துள்ளது.இது ஒரே நேரத்தில் மூன்றுவிதமான நெட்வோர்க்குகளில் ஸ்டான்ட்-பை மோடில் இயங்கும் என்பது விஷேசம்.
இது இரண்டு சிம் கார்டுகளுக்கு மேல் பயன்படுத்துவோருக்கு ஒரு வரப்பிரசாதமாக அமைந்துள்ளது.ஸென் எம்-111 என்ற குறியீட்டு பெயரில் விற்பனைக்கு வந்துள்ள இந்த மொபைல்போன் 2.4 இஞ்ச் டச்ஸ்கிரீன் கொண்டதாக இருக்கிறது. இது கேண்டி பார் வடிவமைப்புடன் களமிறக்கப்பட்டுள்ளது.6 பேண்ட் ஈக்குலைசருடன் கூடிய மியூசிக் பிளேயர்,,எப்எம் ரேடியோ மற்றும் 3.5மிமீ விட்டம் கொண்ட ஆடியோ ஜாக் உள்ளிட்டவை இருக்கிறது.புளூடூத், கம்ப்யூட்டருடன் இணைத்துக்கொள்வதற்கான யுஎஸ்பி பிசி கனெக்ட்டிவிட்டி ஆகிய வசதிகளையும் ஸென் எம்-111 கொடுக்கிறது.
போதுமான சேமிப்பு திறனை கொண்டுள்ள இந்த போனில் கூடுதல் சேமிப்பு திறனை அதிகரித்துக்கொள்ளும் வசதியும் அதிக பேக்கப்பை கொண்ட பேட்டரியுடன் வந்துள்ளது இந்த ஸென் போன்.

ஸென் எம்-111 குறிப்பிடத்தக்க அம்சங்கள்:

1.3மெகாபிக்செல் கேமரா
மியூசிக் ப்ளேயர்
எம்எம் ரேடியோ
ஜாவா
ஜிபிஆர்எஸ்
புளூடூத்
மூன்று ஜிஎஸ்எம் சிம் கார்டுகளை பொருத்திக்கொள்ளும் வசதிகொண்ட இந்த மொபைல்போன் கவர்ச்சிகரமான விலையில் அறிமுகப்படுத்தப்பட்டுள்ளது. ஸென் எம்-111 போன் ரூ.3,499 விலையில் விற்பனைக்கு வந்துள்ளது.

பட்டையை கிளப்பும் Gfive மொபைல்கள்

இந்திய மொபைல் மார்க்கெட்டில் அசைக்க முடியாத பிராண்டுகளாகத் திகழ்ந்த நோக்கியா, சாம்சங் ,sonyericsson  மூன்றுமே ஆட்டங்கண்டு போயுள்ளன. சமீபத்திய சந்தை கணக்கெடுப்புகளின்படி இந்திய மொபைல் சந்தையில் இரண்டாம் இடம் வகிப்பது ஒரு சீனத் தயாரிப்பு மொபைல்தான். அது ஜி பைவ்.

இந்த அந்தஸ்தில் இதுவரை கோலோச்சி வந்தது கொரிய நிறுவனமான சாம்சங். இப்போது சாம்சங்கை பின்னுக்குத் தள்ளிவிட்டது ஜி பைவ்.

2010- காலண்டர் ஆண்டில் மொபைல் போன் கருவிகள் விற்பனை விவரங்களின் அடிப்படையில், இந்திய சந்தையில் நோக்கியா முதலிடத்தில் உள்ளது. அதன் மார்க்கெட் அளவு 31.5 சதவீதம். ஆனால் கடந்த ஆண்டைக் காட்டிலும் இது 5 சதவீதம் குறைவாகும். இந்த 5 சதவீதத்தைக் கைப்பற்றி இருப்பது ஜிபைவ் என்பது குறிப்பிடத்தக்கது.



இதுவரை இரண்டாம் இடத்திலிருந்த சாம்சங் 8 சதவீதத்துடன் மூன்றாம் இடத்துக்குத் தள்ளப்பட்டு விட்டது. இப்போதைய நிலவரப்படி 10.6 சதவீத மார்க்கெட் ஷேருடன் இரண்டாம் இடத்தில் உள்ளது ஜி பைவ்.

மிகக் குறைந்த விலையில் ப்ளாக்பெரி மாடலில் உள்ள அத்தனை வசதிகளோடும் ஜிபைவ் மொபைல்கள் கிடைப்பதால், மக்கள் நோக்கியா, சாம்சங் போன்ற மொபைல்களை விட்டு, ஜி பைவுக்குத் தாவி விடுவதாக புள்ளிவிவரங்கள் தெரிவிக்கின்றன.

ஜிபைவ் மாடலில் அதிகபட்ச விலையே ரூ 3000 தான் என்பது குறிப்பிடத்தக்கது.

இன்டெக்ஸ் புரொஜெக்டர் போன்(ஐஎன் 8810 வி-ஷோ)

 புதிய தலைமுறை அம்சத்துடன் இன்டெக்ஸ் அறிமுகப்படுத்திய போன்தான் ஐஎன் 8810 வி-ஷோ

ஆம், புரொஜெக்டர் மற்றும் டியூவல் சிம் ஆகிய தொழில்நுட்ப அம்சங்களை விஷோ பெற்றுள்ளது. இந்த போனில் உள்ள புரொஜெக்டரை பயன்படுத்தி திரையில் வீடியோ மற்றும் புகைப்படங்களை பார்க்க முடியும். இது ஒரு புதிய அனுபவத்தை தரும் என்பதில் எள்ளவும் சந்தேகமில்லை. இதற்காக, பிரத்யேக பட்டனும் இருக்கிறது.

போன் வைக்கப்பட்டிருக்கும் 8 அடி தூரத்திலிருந்து திரையை வைத்தால் 80 செமீ அளவிற்கு பெரிதுப்படுத்திய வீடியோ மற்றும் புகைப்படங்களை திரையில் பார்க்க முடியும.

3.2 இஞ்ச் டிஎப்டி டச் ஸ்கிரீன் இந்த போனின் பலத்தை கூட்டுகிறது. ஆனால், எடைதான் சற்று அதிகமாக உள்ளது. இந்த போன் 145 கிராம் எடை கொண்டதாக வடிவமைக்கப்பட்டுள்ளதால், பாக்கெட்டில் வைத்தால் சற்று கனமாக தெரிகிறது.


3.2 மெகாபிக்செல் திறன் கொண்ட கேமரா மூலம் துல்லியமான படங்களை பெற முடிகிறது. இதிலுள்ள இரண்டு போர்ட்களிலும் கூடுதலாக 16 ஜிபி வரை சேமிப்பு திறனை அதிகப்படுத்திக்கொள்ளலாம்.

ஆடியோ பிளேயர், வீடியோ பிளேபேக் வசதிகளை கொடுக்கிறது. 1230 எம்ஏஎச் பேட்டரி பொருத்தப்பட்டுள்ளது. இது 6.5 மணிநேர டாக்டைமை கொடுக்கிறது. இந்த போன் ரூ.8,400 விலையில் விற்பனை செய்யப்படுகிறது.

அதிக டாக்டைமுடன் மேக்ஸ் ஹெக்ஸா (எம்எக்ஸ் 155)

 அதிக டாக்டைமுடன் ஆற்றல்வாய்ந்த பேட்டரி கொண்ட போன்களை 'பிக் பேட்டரி'என்ற பெயரில் மேக்ஸ் தொடர்ந்து அறிமுகம் செய்து வருகிறது. மேக்ஸ் ஹெக்ஸா (எம்எக்ஸ் 155), மேக்ஸ் ரேவ் (எம்எக்ஸ் 182) மற்றும் மேக்ஸ் பஸ் (எம்எக்ஸ்-188) ஆகிய மூன்று போன்கள் இந்த வரிசையில் ஏற்கனவே அறிமுகப்படுத்தப்பட்டுள்ளன.

இதன் தொடர்ச்சியாக பிக் பேட்டரி வரிசையில் மேலும் ஒரு புதிய போனை மேக்ஸ் அறிமுகம் செய்துள்ளது. சூப்பர் எம்எக்ஸ்- 424 என்ற குறியீட்டு பெயரில் வந்துள்ள இந்த போன் 2.4 இஞ்ச் டிஎப்டி ஸ்கிரீனுடன் டியூவல் சிம் பொருத்தும் வசதியுடையது.

எல்இடி ப்ளாஷ் கொண்ட 1.3 மெகாபிக்செல் கேமரா பொருத்தப்பட்டுள்ளது. 3ஜிபிபி, ஏவிஐ, எம்பி-4 பார்மெட்டுகளில் ஆடியோ பைல்களை இயக்கி இசையை ரசிக்கலாம். வயர்லெஸ் எப்எம், சவுண்ட் ரெக்கார்டர் அம்சங்கள் கொண்ட இந்த போனில் ஆடியோ ப்ளேயர் மற்றும் கேமராவை நேரடியாக இயக்குவதற்கு ஏற்ற வகையில் தனித்தனி பட்டன்கள் கொடுக்கப்பட்டுள்ளன.

இந்த போனில் பொருத்தப்பட்டுள்ள 220 எம்ஏஎச் பேட்டரி மிகவும் ஆற்றல்வாய்ந்ததாக இருக்கிறது. இது 11 முதல் 17 மணிநேர டாக்டைமை கொடுக்கிறது. இந்த போன் 460 முதல் 1150 மணிநேரம் வரை ஸ்டான்ட்-பை மோடிலும் இருந்து வியப்பில் ஆழ்த்துகிறது.

இந்த போனுக்கு மேக்ஸ் மொபைல்ஸ் நிறுவனம் ரூ.2,727 விலையாக நிர்ணயித்துள்ளது.

மோட்டோரோலாவின் புதிய ஸ்மார்ட்போன் ஆன்ட்ராய்டுடன்

குறைந்த விலையில் நவீன தொழில்நுட்பங்கள் கொண்ட மொபைல்போன்களை வழங்குவதில், மோட்டோரோலா நிறுவனம் எப்போதும் முன்னோடி நிறுவனமாக திகழ்கிறது.

இந்த நிலையில், அதிநவீன தொழில்நுட்ப வசதிகளுடன் கூடிய எக்ஸ்டி 316 என்ற புதிய ஸ்மார்ட்போன் மாடலை விரைவில் அறிமுகம் செய்கிறது மோட்டோரோலா.

அச்சு அசலாக பிளாக்பெரி போன் போன்று காட்சியளிக்கும் இந்த புதிய மொபைல்போனில் கிவெர்ட்டி கீபேடு பொருத்தப்பட்டுள்ளது. இது டைப் செய்வதற்கு வெகு எளிதாகவும், வசதியாகவும் இருக்கும்.

இதில், லேட்டஸ்ட் மல்டிமீடி்யா தொழில்நுட்ப வசிதிகள் அப்லோடு செய்யப்பட்டுள்ளது. எப் ரேடியா மற்றும் ஹோம் தியேட்டர் மற்றும் கூடுதல் ஸ்பீக்கர்களை இயக்கும் வசதியும் உள்ளது.

புளூடூத், வை-பை. யுஎஸ்பி கனெக்ஷன் உள்ளிட்ட அம்சங்களும் இதில் உண்டு. 2ஜி மற்றும் 3ஜி இன்டர்நெட் இணைப்பையும் பெற்றுக்கொள்ளலாம்.

இதன் கேமராவின் திறன் எதிர்பார்க்கும் படியாக இல்லை. புகைப்படங்களை பெரிதாக்கும்போது (டிஜிட்டல் ஜும்) புகைப்படங்களில் அவ்வளவு துல்லியம் காட்டவில்லை என்பது இதன் குறைபாடாக உள்ளது.

32ஜிபி வரை கூடுதல் மெமரி கார்டும் பொருத்திக்கொள்ளலாம். இந்த போன் ஆன்ட்ராய்டு 2.3 ஜிஞ்சர்பேர்டு ஆப்பரேட்டிங் சிஸ்டத்தில் இயங்குகிறது.

 சிறப்பம்சங்கள்:

3.2 மெகா பிக்செல் கேமரா

ஆன்ட்ராய்டு 2.3 ஆப்பரேட்டிங் சிஸ்டம் கொண்டது

32 ஜிபி வரை கூடுதல் மெமரி கார்டு சப்போர்ட் செய்யும் வசதி

மல்டிமீடியா வசதி

புளூடூத் மற்றும் வை-பை

2ஜி மற்றும் 3ஜி இன்டர்நெட் இணைப்பை பெறும் வசதி

அதிவேக இன்டர்நெட்டுக்கான 4ஜி தொழில்நுட்பம்

அதிவேக இன்டர்நெட்டுக்கான 4ஜி தொழில்நுட்பம் மற்றும் 1 ஜிகாஹெர்ட்ஸ் டியூவல்- கோர் பிராசஸர் கொண்ட ஸ்மார்ட்போனை மோட்டரோலா விரைவில் அறிமுகப்படுத்துகிறது.
கடந்த ஜூனில் அறிமுகப்படுத்த நாள் குறிக்கப்பட்டிருந்த இந்த போன் சிறிது தாமதமாக, வரும் 31ந் தேதி அமெரிக்க சந்தையில் முதலாவதாக அறிமுகம் செய்யப்பட இருக்கிறது.

ஸ்பிரின்ட் தொலைதொடர்பு நிறுவனத்துடன் இணந்து சர்வதேச ரோமிங் வசதியுன் இந்த போனை மோட்டோரோலா சந்தைப்படுத்துகிறது.

பல நவீன தொழில்நுட்ப வசதிகள் கொண்ட ஃபோட்டான் 4.3 இஞ்ச் கொண்ட அகன்ற தொடுதிரையுடன் கவர்ச்சியாக வடிவமைக்கப்பட்டுள்ளது. ஆற்றல்வாய்ந்த 8 மெகாபிக்செல் கேமராவும், வீடியோ காலிங் செய்யும் வசதிகொண்ட விஜிஏ முகப்பு கேமராவும் பொருத்தப்பட்டுள்ளது.

16ஜிபி வசதியான இன்டர்நெல் சேமிப்பு திறன்கொண்ட இந்த போனில் 32 ஜிபி வரை சேமிப்பு திறனை அதிகரித்துக்கொள்ள முடியும். இது ஆன்ட்ராய்டு 2.3 ஜிஞ்சர்பிரெட் ஆப்பரேட்டிங் சிஸ்டத்தில் இயங்குகிறது.

இதன் 4ஜி தொழில்நுட்பம் மூலம் சர்வதேச ரோமிங் வசதியை கொடுக்கிறது. அதிநவீன வை-மேக்ஸ் இணைப்பும் இருக்கிறது. அடிக்கடி பல்வேறு நாடுகளுக்கு செல்பவர்களுக்கு இது வரப்பிரசாதமாக அமையும். அதேவேளை, எந்தெந்த நாடுகளில் இந்த போன் மூலம் ரோமிங் வசதியை பெற முடியும் என்பது பற்றிய விபரங்கள் இன்னும் தெரிவிக்கப்படவில்லை.

வரும் 31ந் தேதி அமெரிக்காவில் விற்பனைக்கு வரும் இந்த போனை ஆன்லைனில் வரும் 28ந் தேதி முதல் புக்கிங் செய்துகொள்ள முடியும். இந்த போனுக்கு அமெரிக்காவில் $199.99 (ரூ.8,900) விலையாக நிர்ணயிக்கப்பட்டுள்ளது.

ஆசிய சந்தையில் ஃபோட்டான் எப்போது அறிமுகப்படுத்தப்படும் என்பது குறித்து இதுவரை மோட்டோரோலா தகவல்களை எதையும் வெளியிடவில்லை.

இந்த போன் ஸ்பிரின்ட் தொலைதொடர்பு நிறுவனத்தின் மூலம் இரண்டு ஆண்டு ஒப்பந்த அடிப்படையில் அமெரிக்காவில் விற்பனை செய்யப்பட இருக்கிறது என்பது குறிப்பிடத்தக்கது.

மைக்ரோ மாக்ஸ் அறிமுகம் செய்துள்ளது  மைக்ரோ மாக்ஸ் M2 போன்.

இதில் மெகா பிக்ஸ்சல் கேமரா உள்ளது.2 மெகா பிக்ஸ்சல் கேமரா ஆகும்.

MP4 மற்றும் 3GP வீடியோ படம் புடிக்கலாம்.

வீடியோகான் V1545 போன்

வீடியோகான் அறிமுகம் செய்துள்ளது  வீடியோகான் V1670 போன்.

இதில் மெகா பிக்ஸ்சல் கேமரா உள்ளது.2 மெகா பிக்ஸ்சல் கேமரா ஆகும்.

MP4 மற்றும் 3GP வீடியோ படம் புடிக்கலாம்.

2 .8  இன்ச் டிஸ்ப்ளே. இதில் ஸ்டீரியோ எப்.ம் உள்ளது

அருமையான mp3 பிளேயர் இருக்கிறது.

சோனி எரிக்சன் மிக்ஸ் வாக்மேன்

சோனி எரிக்சன் அறிமுகம் செய்துள்ளது சோனி எரிக்சன் மிக்ஸ் வாக்மேன் போன்.

இதில் மெகா பிக்ஸ்சல் கேமரா உள்ளது.3 மெகா பிக்ஸ்சல் கேமரா ஆகும்.

MPEG4 மற்றும் h.263 வீடியோ படம் புடிக்கலாம்.

3  இன்ச் டிஸ்ப்ளே. இதில் ஸ்டீரியோ எப்.ம் உள்ளது 

அருமையான mp3 பிளேயர் இருக்கிறது.

sms,mms ,ஈமெயில்,மற்றும் பல வசதிகளை உடையது. 

சாம்சங் E1190

சாம்சங்   அறிமுகம் செய்துள்ளது சாம்சங்  E1190.

இதில் VGA கேமரா உள்ளது.0௦.5 மெகா பிக்சல் கேமரா ஆகும்.

MPEG4 மற்றும் h.263 வீடியோ படம் புடிக்கலாம்.

1 .8  இன்ச் டிஸ்ப்ளே. இதில் ஸ்டீரியோ எப்.ம் உள்ளது 

NOKIA X1 -01

நோக்கியா அறிமுகம் செய்துள்ளது NOKIA X1 -01 இது பல நிறங்களில் கிடைக்கிறது.

1 .8  இன்ச் டிஸ்ப்ளே. இதில் ஸ்டீரியோ எப்.ம் உள்ளது 

அருமையான mp3 பிளேயர் இருக்கிறது.